ஒரு எளிய, இனிய நிகழ்வு

Posted: ஜூலை 27, 2019 in பார்வைகள், பகிர்வுகள்

நாங்கள் பயின்ற எங்க ஊர் அரசுப் பள்ளியில் (மதுரை மேற்கு ஊராட்சி ஒன்றிய நடுநிலைப்பள்ளி, கோவில்பாப்பாகுடி) முன்னாள் மாணவர்கள் சிலர் ஒன்றிணைந்து தற்போது பயிலும் மாணவர்களுக்கு நீர்நிலைகள் சார்ந்த விழிப்புணர்வை ஏற்படுத்த ஒரு சிறிய போட்டியொன்றை நடத்தினோம். கண்மாயில் உள்ள குமிழி அமைப்பு, கலிங்கு, மடை படங்களைப் போட்டு அதைக் குறித்து தெரியுமா? அதன் பெயர் என்ன? கண்மாய்க்கு வரும் பறவைகளின் பெயர்கள்? நீர்நிலைகள் சார்ந்த சொலவடைகள், கதைகள் பற்றியெல்லாம் கேட்டிருந்தோம். குறிப்பாக பத்தாவது கேள்வியாக உங்களுக்கு என்ன பரிசு வேண்டுமென கேட்டிருந்தோம்.

மாணவர்களுக்கு வழங்க துணிப்பை, புத்தகங்கள், பறவை போல் ஒலியெழுப்பும் மண்விசில், விளையாட்டு உபகரணங்கள், விதைகள் மற்றும் மாணவர்களுக்கான சிற்றுண்டி போன்றவைகளை ஏற்பாடு செய்ய ‘நீரோடை ஆர்வலர் குழு’ என சிறிய அமைப்பு உருவானது. அதில் ஒவ்வொருவரும் தம் பணிகளை சிறப்பாக செய்தனர். 

விழா 22.7.19 அன்று மதியம் சிறப்பாக நடைபெற்றது. மேகம் சூழ்ந்து வாழ்த்திய இயற்கைக்கு நன்றி.

தலைமையாசிரியர் தலைமை உரையாற்றி இந்நிகழ்வைத் தொடங்கிவைத்தார். நான் எழுதிய திருவிழாக்களின் தலைநகரம் நூலை பள்ளி மாணவர்களிடம் பெருமையாக அறிமுகம் செய்து வைத்தார்.

இந்த போட்டி வைத்ததற்கான காரணத்தையும், மாணவர்கள் எழுதிக் கொடுத்த விடைகளில் தான் கண்ட சுவாரசியங்களையும் விரிவாகப் பகிர்ந்து கொண்டார் முன்னாள் மாணவர்  ப.தமிழ்ச்செல்வம். 

நன்றாக எழுதிய மாணவர்களுக்கு கேடயம் வழங்கப்பட்டது. பங்கேற்ற அனைத்து மாணவர்களுக்கும் சான்றிதழ் வழங்கப்பட்டது.பள்ளியில் படிக்கும் அனைத்து மாணவர்களுக்கும் துணிப்பை, ஆளுக்கு ஒரு புத்தகம், விசில், விதைகள் வழங்கப்பட்டது. புத்தகங்கள் மதுரை வாசல் பதிப்பகம், பாரதி புத்தகாலயம், தும்பி,  நேசனல் புக் டிரஸ்ட் வெளியீடுகளிலிருந்து மாணவர்களுக்கான புத்தகங்கள் தேர்வு செய்யப்பட்டு வழங்கப்பட்டது.

விழாவின் நிறைவாக அனைவரும் மண்விசிலில் நீரினை நிரப்பி பறவைபோல கீச்சிட அந்த மகிழ்ச்சியொலி ஊரெங்கும் பரவியது. விழா சிறப்பாக நடக்க உதவிய ஆசிரியப் பெருமக்களுக்கும், மாணவச்செல்வங்களுக்கும் நன்றி.

உள்ளூர் வரலாற்றை அறிந்து கொள்ளவும், நம்மைச் சுற்றியுள்ள இயற்கையை பேணிகாக்கவும் இதுபோன்ற நிகழ்வுகளை தொடர்ந்து நடத்த திட்டமிட்டுள்ளோம். ஆர்வலர்கள் இன்னும் அதிகமாகும் பொழுது இதுபோன்ற நிகழ்வுகளை அடிக்கடி நடத்தலாம்.

நாங்கள் தொடுத்த வினாக்கள் (குமிழி மடை உள்ளிட்டவை)

மனம் கவர்ந்த மாணவர் பதிவுகள்

பகல்வீடு

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s