சொல் எனும் உயிர்விதை

Posted: திசெம்பர் 22, 2019 in பார்வைகள், பகிர்வுகள்

13வது புத்தகத்திருவிழாவை ஒட்டி மதுரை தமுக்கம் திடலில் கடந்த செப்டம்பர் 2-ஆம் நாள் தமிழினியின் 7 நூல்கள் வெளியீட்டு விழா நடைபெற்றது. அதில் ‘சொல் என்னும் உயிர்விதை’ எனும் மொழியியல் கட்டுரை நூலை பேராசிரியர் சாகுல் ஹமீது அவர்கள் வெளியிட நான் பெற்றுக் கொண்டேன்

இந்நூல் குறித்து பேராசிரியர் ந.ரத்தினக்குமார் உரையாற்றினார். அதிலிருந்து:

நூறுபக்கங்கள் கொண்ட இந்நூல் இரண்டு பகுதிகளாக பிரிக்கப்பட்டுள்ளது. முதல் பகுதியில் சங்க இலக்கிய வார்த்தைகள், வட்டாரப் பெயர்கள், தனித்துவமான பழமொழிகள், சில வழக்காறுகள் இவற்றையெல்லாம் எடுத்துக்கொண்டு அவற்றின் பின்புலங்கள் என்ன அவற்றை நாம் எப்படி பயன்படுத்த வேண்டும், அதில் நடைமுறையில் ஏற்படக்கூடிய சிக்கல்கள் என்ன என்பதைக் குறித்து மகுடேசுவரன் எழுதியிருக்கிறார். தமிழ்மொழி சந்திக்க கூடிய இடர்பாடுகள் குறித்து இரண்டாவது பகுதியில் பேசப்பட்டிருக்கிறது. குறிப்பாக இணையதமிழ் என்ற தனித்துவமான தமிழ்மொழி உருவாகிவருகிறது.

மகுடேசுவரன் சமூக வலைத்தளங்களில் தொடர்ந்து உரையாடிக் கொண்டே இருக்கிறார். குறிப்பாக 5000க்கும் மேலான வாசகர்களுக்கு அவர்கள் கேட்கக்கூடிய கேள்விகளுக்கு பதில் சொல்லிக்கொண்டே செல்கிறார். இந்த உரையாடல் என்பது நவீனத் தமிழ் வந்தபொழுதே தொடங்கிய விசயம்தான். இதழியல் துறையில் புழங்கத் தொடங்கிய தமிழின் சிக்கல்கள் குறித்து ரா.கி.பரந்தாமனார், நன்னன், தமிழண்ணல் போன்றவர்கள் தொடர்ந்து உரையாடிக் கொண்டிருந்தார்கள். நவீன இலக்கியம் அல்லது 80-களுக்கு பின்னால் வரக்கூடிய மொழிப்பிரச்சனைகளை நஞ்சுண்டன், பெருமாள் முருகன் போன்றவர்கள் உரையாடிச்சென்றார்கள். அவர்களுடைய தொடர்ச்சியாக சமூக ஊடகத்தில் நம்முடைய மொழிப்பயன்பாடு குறித்த சில விவாதங்களை, விளக்கங்களை  மகுடேசுவரன் தேடிச் செல்கிறார்.

இப்பொழுது நம்முடைய பெயர்கள் எல்லாம் எப்படி வைக்கப்படுகின்றன? என்றொரு கேள்வியை எழுப்பிக் கொள்கிறார். தந்தையினுடைய பெயரைத் தான் நாம் முன்வைத்து எழுதுவது மரபுன்னு சொல்றாங்க. அதுதப்புன்னு சொல்றார். அவங்கவங்க ஊர்ப்பெயர், வட்டாரப்பெயர்களை, அந்த சமூகப்பெயர்களை வைப்பதற்கான காரணமென்ன என்பது குறித்து பேசுகிறார்.

மோடி குறித்து, எடப்பாடி குறித்து பேசுகிறார். சென்னைப்பட்டினம் என்பது நமக்கு தெலுங்குச்சொல் என்று அறியப்பட்டிருக்கிறது. ஆனால், இவர் அதை மறுக்கிறார். சென்னாகூனி என்ற சொல்லக்கூடிய ஒரு மீனிலிருந்து வந்திருக்கலாம். சென்னையினுடைய ஆதிகுடிகள் மீனவர்கள்தான். ஒரு பறவை ஒன்று இருக்கிறது. பறவை அல்லது மீனின் பெயரிலிருந்து வந்திருக்கலாம் என்று சொல்கிறார்.

இணையத்தில் எழுதுவதால் மேலோட்டமாக அவர் எழுதுகிறார் என்று நாம் முடிவுசெய்ய முடியவில்லை. ஏனென்றால் அவர் மரபு இலக்கணத்தை முழுமையாக கற்றுக்கொண்டு தொல்காப்பியத்திலிருந்தும், நன்னூலிலிருந்தும் நூற்பாக்களை மேற்கோள் காட்டிப் பேசுவது நாம் கவனிக்கத்தக்கது.

கா.சிவத்தம்பி சொல்வது போல தமிழ்மொழியின் பெருமை தொன்மையில் மட்டுமில்லை, அதன் தொடர்ச்சியிலும் இருக்கிறது என்பார். அந்தவகையில் தமிழ்மொழியை அடுத்த கட்டத்திற்கு முன்நகர்த்துவதற்கு, சொல்வழக்காறுகளை அடுத்த தலைமுறையை நோக்கி கொண்டுசெல்வதற்கு இது முக்கியமான நூல். இந்நூலை எழுதிய மகுடேசுவரனுக்கும், பதிப்பித்த தமிழினி வசந்தகுமாருக்கும் வாழ்த்துக்கள்.

படங்கள் உதவி – வேல்முருகன், ரகுநாத்

பின்னூட்டங்கள்
  1. வேல்முருகன் சொல்கிறார்:

    உங்கள் எழுத்து மேலோட்டமாக இல்லாமல் உள்வாங்கி எழுதிய கட்டுரை மிகவும் பயனுள்ளதாக இருக்கிறது

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s